أنا ..من غيرك****الاستاذة زينب ابو الفتوح

أنا ..من غيرك

أنا حيرانه من غيرك
وصعب اكون كده بدونك
صباحاتي ..مساءاتي 
بتسألني غيابك ليه ؟
وأقول أنا إيه ؟
أقول قسوه ف كياني
عليك ..
ماقدرتش نتيجة بعدي
وقلبك اللي حاببني
هايعمل ايه
صدقني بقيت بعدك
كيان محزون
بتتكاتر عليا شجون
ماتت فيا ضحكاتي
بريق الحب ف عنيا
انطفي بعدك
ومن غيرك وحدتي ..
زايده
وف قلبي نيران ..
قايده
لا دوقت سعاده انا ف بعدك
ولا فضلي حزن قديم
ومن بعدك
عايش قلبي كأنه يتيم